• Извозот на стоки во периодот октомври − ноември 2023 година забележа пад од 4,6% на годишна основа
• Увозот на стоки во периодот октомври − ноември 2023 година забележа пад од 8,1% на годишна основа
• Намалување на трговскиот дефицит

Намален дефицит како резултат на намалениот извоз и намалениот увоз.

Падот на извозот во најголем дел е предизвикан од понискиот извоз на дел од производствените капацитети во странска сопственост од автомобилската индустрија како и од понискиот извоз на електрична енергија.

Падот на увозот во најголем дел се должи на понискиот увоз на енергија, како и на понискиот увоз на дел од производствените капацитети во странска сопственост од автомобилската индустрија, соодветно на извозните остварувања.