- Вкупните приходи на Буџетот на Република Северна Македонија за 2024 година се планирани на ниво од 310,1 милијарди денари.
- расходите се планирани на ниво од 343,6 милијарди денари.
- буџетски дефицит е проектиран во апсолутен износ од 33,5 милијарди денари или на ниво од 3,4% од планираниот БДП.
Вкупните приходи на Буџетот се за 10% повисоки во однос на 2023 година. Расходите за околу 5,8% повисоки во однос на 2023 година. Вака планираните приходи и расходи резултираат со намален буџетски дефицит во однос на 2023 година за околу 9,2 милијарди денари.
Проекцијата на вкупните даночни приходи за 2024 година ги содржи и очекуваните фискални ефекти од имплементација на даночните реформи кај данокот на додадена вредност, данокот од добивка, данокот на личен доход, акцизите и данокот на моторни возила, кои се проценува дека ќе учествуваат со околу 0,7% во БДП за 2024 година.
Највисоко учество во јавните расходи имаат расходите за социјална заштита (31,5%).
Капиталните расходи се планирани на ниво од 45,2 милијарди денари. Истите се наменети за реализацијата на веќе започнатите инфраструктурните проекти, односно за инвестициски вложувања во патната и железничката инфраструктура, енергетската и комуналната инфраструктура, како и капитални инвестиции за подобрување на условите во здравствениот, образовниот и социјалниот систем, земјоделството, културата, спортот, заштитата на животната средина и правосудството.
